వేసవిలో నాని ఆట
క్రికెట్‌కీ... వేసవికీ మధ్య అనుబంధం విడదీయలేనిది. మండుటెండలైనా... సిక్సర్లు, ఫోర్లతో మైదానం హోరెత్తిపోవల్సిందే. డే అండ్‌ నైట్‌ మ్యాచ్‌లు మొదలయ్యాక రాత్రిళ్లలోనూ క్రికెట్‌ సరదాలే. నాని కూడా తన ఆటని వేసవిలోనే చూపించబోతున్నారు. ఆయన క్రికెటర్‌గా తెరకెక్కుతున్న చిత్రం ‘జెర్సీ’. శ్రద్ధా శ్రీనాథ్‌ కథానాయిక. గౌతమ్‌ తిన్ననూరి దర్శకత్వం వహిస్తున్నారు. సూర్యదేవర నాగవంశీ నిర్మాత. ఇందులో నాని రెండు కోణాల్లో సాగే పాత్రలో సందడి చేయనున్నట్టు సమాచారం. ప్రస్తుతం శరవేగంగా చిత్రీకరణ జరుపుకొంటున్న ఈ సినిమాని వేసవి సందర్భంగా వచ్చే ఏప్రిల్‌ 19న విడుదల చేయాలని నిర్ణయించారు. ఆ విషయాన్ని కథానాయకుడు నాని శుక్రవారం ట్విట్టర్‌ ద్వారా వెల్లడించారు. సత్యరాజ్‌, బ్రహ్మాజీ తదితరులు నటిస్తున్న ఈ చిత్రానికి సంగీతం: అనిరుధ్‌ రవిచందర్‌, ఛాయాగ్రహణం: సాను వర్గీస్‌, కళ: అవినాష్‌ కొల్లా, కూర్పు: నవీన్‌ నూలి, సమర్పణ: పి.డి.వి.ప్రసాద్‌.


© Sitara 2018.
Powered by WinRace Technologies.