ఇద్దరు సూపర్‌ హీరోలు తలబడితే?
సూపర్‌మ్యాన్‌ సూపర్‌మ్యానే. బ్యాట్‌మ్యాన్‌ బ్యాట్‌మ్యానే. ఎవరి శక్తులు వారికున్నాయి. ఎవరి దుస్తులు వాళ్లî ే. ఎవరి సినిమాలు వాళ్లî ే. అప్పటిదాకా మామూలు మనుషుల్లాగా ఫ్యాంటూ, షర్టులతో ఉండి అవసరమైతే చటుక్కున ఏ పక్కకో î ెళ్లి గిరుక్కున తిరిగితే చాలు... వాళ్ల దుస్తులు మారిపోయి, శక్తులు వచ్చేస్తాయి. ఇద్దరూ కామిక్‌ పుస్తకాల్లో పుట్టి, బుల్లితెరపై సందడి చేసి... ఆపై î ెండితెరపైకి దూకి దూసుకుపోతున్నవాళ్లే. ఎంతకాలం ఇలా విడివిడిగా సినిమాలు చేస్తారు? కొత్తదనం ఉండద్దూ. అందుకనే దర్శకుడు జాక్‌ స్నైడర్‌ బుర్రలో మెరిసి... ఇద్దరూ కలిసికట్టుగా ఒకే సినిమాలోకి వచ్చేసారు, ‘బ్యాట్‌మ్యాన్‌ వర్సెస్‌ సూపర్‌మ్యాన్‌: డాన్‌ ఆఫ్‌ జెస్టిస్‌’ (2016)ద్వారా. అంటే ఇది మల్టీసూపర్‌ స్టారర్‌ సినిమా అన్నమాట. ఇంకేముంది? సినీ అభిమానులకు కన్నులపంటే. అందుకే 300 మిలియన్‌ డాలర్ల వ్యయంతో తీసిన ఈ సినిమా ఏకంగా 873.6 మిలియన్‌ డాలర్లు రాబట్టింది. దాంతో ఇద్దర్నీ కలిపి మరో నాలుగు సినిమాలు సీక్వెల్స్‌గా వచ్చేశాయి.
కట్‌ చెప్పలేదేం నాయనా!
ప్రత్యగాత్మ దర్శకత్వంలో హాయిగా వుండేది. నటులకు స్వేచ్ఛ ఇచ్చే వారు. మరీ హద్దులు దాటిపోతే, చెప్పేవారు. ‘శ్రీమంతుడు’లో సూర్యకాంతం, నేనూ ఒక దృశ్యంలో నటిస్తున్నాం. స్క్రిప్ట్‌ ప్రకారం ఉన్న డైలాగులు చెప్పేశాం. సూర్యకాంతం ఆగరు. వాక్ప్రవాహం ఆనకట్ట కట్టినా ఆగదు. ఆవిడ ఏదో అదనపు మాటలు అన్నారు, నేనేదో అన్నాను. మళ్లీ ఆవిడ... నాలుగైదు డైలాగులు పలికిన తరువాత, సూర్యకాంతం దర్శకుడి వేపు చూసి, ‘కట్‌ చెప్పరేం నాయనా?’ అని అడిగారు. ‘‘మీరేదో చెబుతున్నారుగా. కానీయండి చూద్దాం. ఎంత దూరం వెళతారో అని చూశాం’’ అన్నారు ప్రత్యగాత్మ నవ్వుతూ. ప్రత్యగాత్మ అబ్బాయి దర్శకుడు కె.వాసు ఆయన దగ్గరగా బాబాయి హేమాంబరధరరావు గారి దగ్గర పనిచేశారు. వాసుకి హాస్యం ఇష్టం. సినిమాలు చేస్తూనే వున్నారు.


Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.