వెండితెరపై 50 వసంతాల అమితాబ్‌!

ప్రముఖ బాలీవుడ్‌ నటుడు అమితాబ్‌ బచ్చన్‌ పేరు చెప్పగానే ఓ గౌరవం కలుగుతుంది అభిమానుల మనసుల్లో. అలాంటి నటుడు వెండితెరపై యాభై వసంతాలు పూర్తి చేసుకున్నాడు. ఆయన నటించిన తొలి సినిమా పేరే ‘సాత్‌ హిందుస్థానీ’. ఇది 1969 నవంబర్‌ 7న విడుదలైంది. ఈ సందర్భంగా తనయుడు అభిషేక్‌ బచ్చన్‌ తన తండ్రి గురించి ట్విట్టర్లో బ్లాక్‌ అండ్‌ వైట్‌ ఫోటో పెట్టి ఆ ఫోటో కింద ..‘‘నేను మీకు పుత్రుడిగానే కాదు, ఒక అభిమానిగా నీ గొప్పతనాన్ని, మిమ్మల్ని చూసి ఎంతో గర్విస్తున్నాను. మీరే మాకు స్ఫూర్తి. మీరు 50 వసంతాలే కాదు మరో యాభై ఏళ్లు ఉండాలి..’’ అంటూ పేర్కొన్నాడు. అమితాబ్‌ ఈ మధ్యనే తెలుగులో వచ్చిన ‘సైరా’లో చిరంజీవి రాజ గురువు గోసాయి వెంకన్నగా పాత్రలో నటించారు. ప్రస్తుతం ఆయాన్‌ ముఖర్జీ దర్శకత్వంలో వస్తున్న ‘బ్రహ్మాస్తా’లోనూ నటిస్తున్నారు.



Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.