ఆ సినిమాలో ముద్దులే ముద్దులు!

సినిమా చరిత్రలోనే అత్యధిక ముద్దులున్న చిత్రం ఏది? అని అడిగితే, ఏదో కొత్త చిత్రమేమో అనుకోవచ్చు చాలా మంది. కానీ ఆ ఘనత దక్కించుకున్నది ఎప్పుడో 92 ఏళ్ల నాటి సినిమా అంటే నమ్మగలరా? అదే ‘డాన్‌ జువాన్‌’.ఆగస్టు 6, 1926న విడుదలైన ఈ సినిమాలో నేపథ్య సంగీతం ఉంటుంది కానీ మాటలుండవు. దీనికి ఇంకో ఘనత ఉంది. తెరపై బొమ్మల కదలికలకు అనుగుణంగా నేపథ్య శబ్దాలు వినిపించే ‘సౌండ్‌ ఆన్‌ డిస్క్‌’ సాంకేతికతను తొలిసారిగా వాడిన సినిమా ఇది. ఇందులో హీరో పాత్ర పోషించిన జాన్‌ బేరీమోర్‌ నిశ్శబ్ద చిత్రాల కాలంలో అందాల తారలుగా పేరొందిన మేరీ ఆస్టర్, ఎస్టెలీ టైలర్‌లతో సహా పలువురు మహిళలను 191 సార్లు ముద్దు పెట్టుకుంటాడు. అంటే దాదాపు ప్రతి 53 సెకన్లకో ముద్దు అన్నమాట. అలాన్‌ క్రాస్‌లాండ్‌ దర్శకత్వం వహించిన ఈ సినిమా అప్పట్లో ఓ సంచలనం.



Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.