రాజ‌మౌళి త‌న‌యుడి `ఆకాశ‌వాణి`
ప్ర‌ముఖ ద‌ర్శ‌కుడు రాజ‌మౌళి త‌న‌యుడు ఎస్‌.ఎస్‌.కార్తికేయ పూర్తిస్థాయిలో నిర్మాత‌గా మార‌బోతున్న‌ట్టు తెలుస్తోంది. త‌న తండ్రి ద‌గ్గ‌ర ప‌లు చిత్రాల‌కి స‌హాయ ద‌ర్శ‌కుడిగా ప‌నిచేసిన గంగ‌రాజు అశ్విన్‌ని ద‌ర్శ‌కుడిగా ప‌రిచ‌యం చేస్తూ `ఆకాశ‌వాణి` అనే చిత్రం తీయ‌బోతున్న‌ట్టు స‌మాచారం. తండ్రి రాజ‌మౌళి చేసే సినిమాల‌కి వెన్నుద‌న్నుగా నిలుస్తుంటాడు ఎస్‌.ఎస్‌.కార్తికేయ‌. స‌హాయ ద‌ర్శ‌క‌త్వం మొద‌లుకొని... అన్ని ప‌నులూ చేస్తుంటాడు. నిర్మాణంలోనూ ఆయ‌న‌కి మంచి ప‌ట్టుంది. నాగ‌చైత‌న్య క‌థానాయ‌కుడిగా న‌టించిన `యుద్ధం శ‌ర‌ణం` సినిమాకి లైన్ ప్రొడ్యూస‌ర్‌గా వ్య‌వ‌హ‌రించాడు. ఆయ‌న నిర్మాణ ద‌క్ష‌త‌ని గుర్తించిన రాజ‌మౌళి త‌న ఇంటి నుంచే ఓ నిర్మాణ సంస్థ‌ని ప్రారంభించి, ఆ బాధ్య‌త‌ల్ని త‌న‌యుడికి అప్ప‌జెప్పాల‌ని నిర్ణ‌యించుకొన్న‌ట్టు స‌మాచారం. త్వ‌ర‌లోనే ఆకాశ‌వాణి మొద‌లు కాబోతోంద‌ని, అదొక పీరియాడిక్ డ్రామాగా తెర‌కెక్క‌బోతోంద‌ని తెలుస్తోంది. రాజ‌మౌళి త్వ‌ర‌లోనే ఆర్‌.ఆర్‌.ఆర్ చిత్రాన్ని మొద‌లు పెట్ట‌బోతున్నారు. మ‌రి ఆయ‌న నిర్మాణ సంస్థ ఎప్పుడు ప్రారంభ‌మ‌వుతుందో చూడాలి.



© Sitara 2018.
Powered by WinRace Technologies.