రిషి చెప్పిన ఓ మంచి మాట!
తాజాగా 43వ పుట్టిన రోజు జరుపుకున్న సూపర్‌ స్టార్‌ మహేష్‌బాబుకు సినీ, రాజకీయ వర్గాల నుంచి శుభాకాంక్షలు వెల్లువెత్తాయి. అయితే ఈ సందర్భంగానే మహేష్‌ ‘సిస్టర్‌ ఫర్‌ ఛేంజ్‌’ కార్యక్రమంలో భాగంగా చేసిన ఓ వీడియో ఇప్పుడు అందరి దృష్టినీ ఆకర్షిస్తోంది. తాజాగా విడుదలైన ఈ వీడియోలో మహేష్‌ మాట్లాడుతూ ‘‘మన దేశంలో జరిగే యాక్సిడెంట్స్‌లో రోజుకి 28 మంది హెల్మెట్లు పెట్టుకోకపోవడం వల్లే చనిపోతున్నారు. అంటే 28 కుటుంబాలు వాళ్లు ప్రేమించే మనుషులను కోల్పోతున్నారు. జస్ట్‌ ఒక చిన్న కేర్‌లెస్‌ వల్ల. ఇట్స్‌ టైం ఫర్‌ ఏ ఛేంజ్‌. ఈ రక్షా బంధన్‌కి మీ అన్నయ్యకి, తమ్ముడికి రాఖీతో పాటు ఓ హెల్మెట్‌ని గిఫ్ట్‌గా ఇవ్వండి. తప్పకుండా పెట్టుకోమని చెప్పండి. లైఫ్‌ సేఫ్‌ ఈజ్‌ ఏ ఫ్యామిలీ సేఫ్‌. సిస్టర్స్‌ ఫర్‌ ఛేంజ్‌’’ అంటూ ఓ చక్కటి సందేశం అందించారు. ఇప్పుడీ వీడియో సామాజిక మాధ్యమాల్లో వైరల్‌గా మారింది. రిషి చెప్పిన ఓ చక్కటి మాటకు అందరి నుంచి ప్రశంసలు లభిస్తున్నాయి. ఈ ఛాలెంజ్‌ను తన సోదరుడు తెలంగాణ ఐటీ మంత్రి కేటీఆర్‌ జన్మదినం సందర్భంగా తెరాస ఎంపీ కల్వకుంట్ల ప్రారంభించారు. దీనికి ఇప్పుడు మహేష్‌ లాంటి స్టార్‌ హీరో ప్రచారం దక్కడంతో అందరికీ చేరువవుతోంది. మహేష్‌ పుట్టిన రోజు సందర్భంగా ఎంపీ కవిత ఈ వీడియోను ట్విట్టర్‌ వేదికగా అభిమానులతో పంచుకుంటూ ప్రిన్స్‌కు శుభాకాంక్షలు తెలియజేశారు. ‘‘సిస్టర్‌ ఫర్‌ ఛేంజ్‌’కి మనస్ఫూర్తిగా థ్యాంక్స్‌. పవిత్రమైన కారణం కోసం ప్రారంభించిన ఇలాంటి పవిత్రమైన కార్యానికి మద్దతు తెలిపారు. హ్యాపీ బర్త్‌డే మహేష్‌బాబు గారు’’ అని ట్వీట్‌లో పేర్కొన్నారు.



© Sitara 2018.
Powered by WinRace Technologies.