యముడిగా మరోసారి మురిపించేందుకు!
యముడి పాత్రలకు పెట్టింది పేరు కైకాల సత్యనారాయణ. ముఖ్యంగా ‘యమలీల’ చిత్రంలో యముడిగా కైకాల చేసిన సందడి అంతఇంత కాదు. తాజాగా ఈ సీనియర్‌ నటుడు మరోసారి యముడి పాత్రలో నటిస్తున్న చిత్రం ‘దీర్ఘాయుష్మాన్‌ భవ’. కార్తిక్‌ రాజు, మిస్తి చక్రవర్తి నాయకానాయికలుగా నటిస్తున్న ఈ చిత్రానికి పూర్ణానంద్‌ దర్శకత్వం వహిస్తున్నాడు. ఎంవీకే రెడ్డి సమర్పణలో ప్రతిమ ఈ సినిమాను నిర్మిస్తున్నారు. తాజాగా ఈ చిత్ర ఫస్ట్‌లుక్‌ను విడుదల చేశారు. అనంతరం దర్శకుడు మాట్లాడుతూ ‘‘చాలా రోజుల తర్వాత కైకాల సత్యనారాయణ యముడి పాత్రలో ఈ సినిమాలో అలరించనున్నారు. చిత్రీకరణ పూర్తయింది. గ్రాఫిక్స్‌కు ప్రాధాన్యమున్న చిత్రమిది. నిర్మాణాంతర కార్యక్రమాలు పూర్తి చేసుకోని అక్టోబరు నెలాఖరులో సినిమాను తీసుకొచ్చేందుకు సన్నాహాలు చేస్తున్నాం’’ అన్నారు. ఆమని, పృథ్వీరాజ్, జెమిని సురేష్‌ ముఖ్యపాత్రల్లో నటిస్తున్నారు.



Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.