మ‌హేష్‌... సుక్కు క‌లిశారా?

`1` (నేనొక్క‌డినే) త‌ర్వాత మ‌హేష్‌బాబు - సుకుమార్ క‌ల‌యిక‌లో మ‌రో సినిమా వ‌స్తుంద‌ని అంతా ఆశించారు. కానీ కొన్ని కార‌ణాల‌వ‌ల్ల ఆ కాంబినేష‌న్ మ‌ళ్లీ కుద‌ర‌లేదు. దీనిపై మ‌హేష్‌బాబు కూడా ప్ర‌క‌ట‌న చేశాడు. సృజ‌నాత్మ‌కప‌ర‌మైన విష‌యాల్లో వ‌చ్చిన స‌మ‌స్య‌ల వ‌ల్లే సినిమా కార్య‌రూపం దాల్చ‌డం లేద‌ని ఆయ‌న ట్వీట్ చేశారు. అంతకుముందే సుకుమార్... అల్లు అర్జున్‌తో సినిమా చేయ‌నున్న‌ట్టు ప్ర‌క‌టన వెలువడింది. అయితే ఈ విష‌యంపై సామాజిక మాధ్య‌మాల్లో పెద్ద చ‌ర్చ సాగింది. మొద‌ట త‌నతో సినిమా చేయాల‌నుకున్న సుకుమార్, త‌న‌కి స‌మాచారం ఇవ్వ‌కుండానే అల్లు అర్జున్‌తో సినిమా చేస్తున్న‌ట్టు ప్ర‌క‌టించ‌డంపై మ‌హేష్‌బాబు ఒకింత అస‌హ‌నానికి గుర‌య్యార‌ని, అందుకే ఆయ‌న ట్వీట్ చేశార‌ని... మ‌ళ్లీ ఈ క‌ల‌యిక‌లో సినిమా ప‌ట్టాలెక్క‌డం క‌ష్ట‌మే అని మాట్లాడుకున్నారు. ఏం జ‌రిగిందో ఏమో తెలియ‌దు కానీ... మ‌హేష్ - సుకుమార్‌లు ఇటీవ‌ల `మ‌హ‌ర్షి` సెట్‌లో స‌మావేశ‌మైన‌ట్టు స‌మాచారం. చెన్నైలో చిత్రీక‌ర‌ణ జ‌రుగుతున్న విష‌యాన్ని తెలుసుకొని, సుకుమార్ అక్క‌డికి వెళ్లి మ‌హేష్‌ని క‌లిశార‌ట‌. వాళ్లిద్ద‌రూ చాలాసేపు స‌ర‌దాగా మాట్లాడుకున్న‌ట్టు తెలిసింది.



Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.