యాక్షన్​లో సూపర్​స్టార్.. కట్​ చెబితే షారుక్​

అభిమానులు ఎంతగానో ఎదురుచూస్తున్న సుశాంత్ సింగ్ చివరి చిత్రం 'దిల్​ బెచారా' నేడు(జులై 24) ఓటీటీలో విడుదల కానుంది. సాయంత్రం 7:30 గంటల నుంచి స్ట్రీమింగ్ కానుంది. ఈ సందర్భంగా సెట్స్​లో సుశాంత్​ అల్లరికి సంబంధించిన విశేషాలతో రూపొందిన వీడియోను దర్శకుడు ముకేశ్ చబ్రా సోషల్ మీడియాలో పంచుకున్నారు. అతడితో తనకున్న అనుబంధాన్ని వెల్లడించారు. సుశాంత్​ను 'హీరో' అని అభివర్ణించారు. 'దిల్​ బెచారా' షూటింగ్​ జరుగుతున్న సమయంలో తామిద్దరం(సుశాంత్, ముఖేశ్) సినిమాల గురించి చాలా మాట్లాడుకునేవాళ్లమని చెప్పిన ముకేశ్.. యాక్షన్​లో ఉంటే సూపర్​స్టార్ రజనీకాంత్​కు, కట్​ చెబితే షారుక్​ ఖాన్​కు సుశాంత్ వీరాభిమాని అని వెల్లడించారు. జంషెడ్​పుర్​లో చిత్రీకరణ సందర్భంగా రోడ్డుపైనే షారుక్​ పాటలకు సుశాంత్ డ్యాన్స్​ చేసినట్లు తెలిపారు. 'దిల్​ బెచారా'లో సుశాంత్, సంజనా సంఘీ జంటగా నటించారు. 2014లో వచ్చిన హాలీవుడ్‌ రొమాంటిక్‌ డ్రామా 'ది ఫాల్ట్‌ ఇన్‌ అవర్‌ స్టార్స్‌'కు రీమేక్‌ ఇది. ఇద్దరు క్యాన్సర్‌ పేషెంట్ల మధ్య సాగే ప్రేమ కథతో సినిమాను రూపొందించారు. సైఫ్‌ అలీ ఖాన్‌ అతిథి పాత్రలో కనిపించనున్నారు. ఏఆర్‌ రెహమాన్‌ సంగీతమందించారు.

View this post on Instagram

A post shared by Mukesh Chhabra CSA (@castingchhabra) on



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.