మేకప్‌ తెరలను దాటుకొచ్చిన ఈ తార ఎవరు?
‘‘అందం అంటే మనల్ని మనం యథార్థంగా స్వీకరించుకోగలగడమే’’ అంటూ ఇటీవలే తన ఒరిజినల్‌ లుక్‌తో సోషల్‌ మీడియాలో అందరి దృష్టినీ ఆకర్షించింది అందాల చందమామ కాజల్‌. అంతేకాదు.. ‘‘మేకప్‌ మనల్ని బాహ్యంగా అందంగా తయారు చేయగలదేమో కానీ, మన వ్యక్తిత్వాన్ని, ఉనికిని మారుస్తుందా?’’ అంటూ ఓ స్ఫూర్తిదాయక సందేశాన్ని కూడా వినిపించింది. ఇప్పుడిక్కడ కనిపిస్తున్న కథానాయిక కూడా కాజల్‌ బాటలోనే నడిచింది. ఇన్నాళ్లుగా రంగుల లోకం కోసం తనపై కప్పుకున్న మేకప్‌ ముసుగును తొలగించి నెట్టింట అభిమానుల ముందుకొచ్చింది. ‘‘నా ఫొటోను పెద్దదిగా చేసి చూడండి. ఎలాంటి మేకప్‌ కనిపించదు. కళ్లలో ఓ నిజాయితీ కనిపిస్తుంటుంది. పెదాలు ఓ సహజమైన చిరునవ్వుతో తొణికిసలాడుతుంటాయి. వీటిలో ఎందులోనూ మాయ లేదు. అంతా స్వచ్ఛమైన అందం, ఆనందం మాత్రమే ఉందిక్కడ’’ అంటూ మనసులను హత్తుకునేలా తనలోని యథార్థాన్ని సినీప్రియుల ముందుంచింది. కథానాయికగా తెలుగు తెరపై అడుగుపెట్టినా... ఐటెం గీతాలతోనే ఎక్కువగా అందరి దృష్టినీ ఆకర్షించింది. టాలీవుడ్‌లోని అగ్ర హీరోలందరితోనూ ఆడిపాడి మెప్పించింది. మరి ఇంతకీ ఈ పొడుగు కాళ్ల సుందరి ఎవరో కనిపెట్టారా?
 




Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.