అందాల నటి... అద్భుత చిత్రం!

ప్రపంచంలోని సినీ అభిమానులను విపరీతంగా ఆకర్షించి, గొప్ప హాలీవుడ్‌ సినిమాల్లో ఒకటిగా ప్రాచుర్యం పొందిన ‘క్లియోపాత్రా’ సినిమా తొలిసారిగా 1963లో న్యూయార్క్‌లో ప్రదర్శితమైంది. ఇందులో క్లియోపాత్రాగా సంచలన నటి ఎలిజబెత్‌ టేలర్‌ నటించడం విశేషం. సినిమా చరిత్రలో అప్పటి వరకు వచ్చిన సినిమాల్లోకెల్లా అత్యధిక వ్యయంతో నిర్మితమైన చిత్రంగా ‘క్లియోపాత్రా’ పేరొందింది. జోసెఫ్‌ మాన్‌కీవిజ్‌ దర్శకత్వం వహించిన ఈ సినిమా ఈజిప్టు రాణి కథను తెరపైకి తెచ్చింది. దాదాపు 44 మిలియన్‌ డాలర్లతో తీసిన ఈ సినిమా 57.7 మిలియన్‌ డాలర్లు ఆర్జించింది. అయినా అత్యధిక వ్యయం వల్ల, చిత్రీకరణ చాలా కాలం సాగడం వల్ల నష్టాలు తప్పలేదు. అయితే నాలుగు ఆస్కార్‌ అవార్డులు గెలుచుకుంది. గొప్ప సినిమాల్లో ఒకటిగా పేరుతెచ్చుకుంది. చిత్రంలో ప్రధాన పాత్ర ధరించిన ఎలిజబెత్‌ టేలర్‌ అప్పటికి అత్యధిక పారితోషికంగా ఒక మిలియన్‌ డాలర్లను అందుకుంది. సినిమాలో తన సహనటుడు రిచర్డ్‌ బర్టన్‌తో ప్రేమలో పడి పెళ్లి చేసుకుంది.



Copyright 2019 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.