అర్ధ శతాబ్దం`లో `పుష్ప` లుక్ చూశారా!

కార్తిక్ రత్నం, కృష్ణ ప్రియ ప్రధాన పాత్రల్లో రిషిత శ్రీ క్రియేషన్స్ నిర్మిస్తున్న చిత్రం `అర్ద శతాబ్ధం`. అందాల రాక్ష‌సి ఫేం నవీన్ చంద్ర పవర్‌ఫుల్‌ పోలీస్‌ అధికారిగా న‌టిస్తున్నారు. రవీంద్ర పుల్లే దర్శకుడు. చిట్టి కిరణ్ రామోజు నిర్మిస్తున్నారు. ప్రస్తుతం చిత్రీకరణ ముగింపులో ఉంది. ఇటీవ‌ల రానా రిలీజ్ చేసిన మూవీ ఫ‌స్ట్ గ్లింప్స్ ప్రేక్ష‌కుల్లోకి వెళ్లింది. బ‌తుక‌మ్మ సంబురాల‌ సంద‌ర్భంగా తాజాగా `పుష్ప‌` పాత్ర లుక్‌ని ప్ర‌ముఖ న‌టి శ్రీ‌దివ్య ఆవిష్కరించింది. ఈ లుక్‌కి అన్ని వ‌ర్గాల నుంచి అద్భుత స్పంద‌న వ‌స్తోంది. పుష్ప పాత్రలో కృష్ణ ప్రియ న‌ట‌న ఆక‌ట్టుకుంటుంద‌ని ద‌ర్శ‌కుడు తెలిపారు. ‘కేరాఫ్ కంచెరపాలెం’ సినిమాతో నటుడిగా మంచి గుర్తింపు తెచ్చుకున్న కార్తిక్ రత్నం ప్రస్తుతం విక్టరీ వెంకటేష్ నారప్పలో వెంకటేష్ కుమారుడిగా నటిస్తున్నారు. అలాగే ‘అర్థ శతాబ్దం’ సినిమాలో మరో వైవిధ్యమైన పాత్రతో మెరిపించ‌నున్నారు. ఇటీవల విడుదల చేసిన కాన్సెప్ట్ ఫస్ట్ లుక్ పోస్టర్‌కి అద్భుత స్పంద‌న వ‌చ్చింది. రవీంద్ర నేరేట్ చేసిన క‌థ‌ను అద్భుతంగా తెరకెక్కిస్తున్నారు.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.