నిరాడంబరంగా మహేశ్‌ వివాహం


గోదారి యాసతో తనదైన శైలిలో నవ్వులు పూయించి ప్రేక్షకుల హృదయాలు దోచుకున్నాడు మహేశ్‌ ఆచంట. కామెడీకే పరిమితం కాకుండా భావోద్వేగ సన్నివేశాలు పండిచగలడని నిరూపించుకున్నాడు. ‘మహానటి’, ‘రంగస్థలం’ చిత్రాల్లో ఆయన నటనకు ఫిదా అయ్యారు ప్రేక్షకులు. ఇటీవలే ఆయన ఓ ఇంటివాడయ్యాడు. తూర్పుగోదావరి జిల్లా రాజోలు మండలంలోని శివకోడు గ్రామానికి చెందిన పావనిని ఆయన వివాహమాడారు. గురువారం ఉదయం ఈ జంట ఒక్కటైంది. కరోనా వైరస్‌ విజృంభిస్తోన్న కారణంగా అతి తక్కువ మంది బంధువులు, సన్నిహితుల సమక్షంలో వీరి వివాహం నిరాడంబరంగా జరిగింది. వీరి వివాహానికి సంబంధించిన పలు ఫొటోలు ప్రస్తుతం నెట్టింట్లో చక్కర్లు కొడుతున్నాయి.





Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.