30 ఏళ్ల ‘శివ’ని గుర్తు చేస్తోన్న ఆర్జీవీ

రామ్‌ గోపాల్‌ వర్మ తెరకెక్కించిన ‘శివ’ అప్పట్లో ఎంతటి సంచలనం సృష్టించిందో ప్రత్యేకంగా చెప్పనవసరం లేదు. నాగార్జున కథానాయకుడుగా రూపొందించిన ఈ సినిమా విడుదలై 30 ఏళ్లు అయింది. ఇన్నేళ్ల తర్వాత దర్శకుడు ఆర్జీవీ ఈ సినిమా చిత్రీకరణకు సంబంధించిన ఓ ఫొటో ట్విటర్‌ వేదికగా అభిమానులతో పంచుకున్నాడు. ఇందులో నాగార్జున, ప్రముఖ దర్శకుడు పూరి జగన్నాథ్‌ సీరియల్‌ లుక్‌లో కనిపిస్తారు. ‘‘శివ సినిమా చిత్రీకరణలో నాగార్జున, ఇస్మార్ట్‌ పూరి జగన్నాథ్‌’’ అంటూ ఈ ఫొటోకు వ్యాఖ్యను జోడించాడు. ‘పూరి గారు అప్పుడు తన కుమారుడు ఆకాశ్‌ ఉన్నట్లుగానే ఉన్నారు. నాగ్‌ సర్‌ ఎవర్‌గ్రీన్‌’ అంటూ అభిమానులు కామెంట్స్‌ పెడుతున్నారు.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.