ప్రశాంత్‌ నీల్‌- ప్రభాస్‌ కాంబినేషన్‌ ఫిక్స్‌

ప్రభాస్‌ అభిమానుల ఆసక్తికి తెర పడింది. ప్రశాంత్‌ నీల్‌ దర్శకత్వంలో ప్రభాస్‌ సినిమా? అనే సందేహానికి సమాధానం దొరికింది. అంతేకాదు సర్‌ప్రైజ్‌ బోనస్‌గా వచ్చింది. ప్రముఖ నిర్మాణ సంస్థ హోంబలే ఫిల్స్మ్‌ ప్రశాంత్‌-ప్రభాస్‌ కలయికలో చిత్రం ప్రకటిస్తూ ప్రభాస్‌ లుక్‌, టైటిల్‌ని విడుదల చేసింది. ఈ క్రేజీ కాంబోకి ‘సలార్‌’ పేరు ఖరారు చేశారు. రఫ్‌ లుక్‌లో తుపాకి పట్టుకుని ఆసక్తి రేకెత్తిస్తున్నాడు ప్రభాస్‌. భారీ యాక్షన్‌ నేపథ్యంలో సాగే కథ అనిపిస్తుంది పోస్టర్‌ చూస్తుంటే. మోస్ట్‌ వైలెంట్‌మేన్‌గా దర్శనమివ్వనున్నాడు ప్రభాస్‌ ఈ చిత్రంలో. టైటిల్‌ పాత్రను పోషించబోతున్నాడు. పాన్‌ ఇండియా స్థాయిలో విజయ్‌ కిరగన్‌దూర్‌ నిర్మిస్తున్నారు. నాయిక, సాంకేతిక నిపుణుల వివరాలు త్వరలోనే తెలియనున్నాయి. ప్రస్తుతం ‘రాధేశ్యామ్‌’తో బిజీగా ఉన్న ప్రభాస్‌ మరోవైపు రెండు చిత్రాలు ప్రకటించాడు. ‘ఆదిపురుష్’తోపాటు నాగఅశ్విన్‌ దర్శకత్వంలో నటించేందుకు సిద్ధమయ్యాడు.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.