యువ కథానాయకుడు రామ్‌ తన పుట్టిన రోజు సందర్భంగా ఏం ప్రకటిస్తాడా? అని ఆసక్తిగా ఎదురు చూశారు అభిమానులు. మే 15 రామ్‌ పుట్టిన రోజు. తాజాగా బర్త్‌డేకి ఏం సర్‌ప్రైజ్‌ ఇస్తున్నాడో చెప్పేశాడు. అదేంటంటే? కిశోర్‌ తిరుమల దర్శకత్వంలో రామ్‌ ‘రెడ్‌’ చిత్రంలో నటించిన సంగతి తెలిసిందే. మణిశర్మ సంగీత దర్శకత్వంలో రూపొందిన ‘దించక్‌’ అనే మాస్‌ బీట్‌కి సంబంధించిన గ్లింప్స్‌ వీడియోను విడుదల చేయనున్నాడు. ఫుల్‌ మాస్‌ సాంగ్‌ అని సమాచారం. స్రవంతి రవికిశోర్‌ నిర్మించిన ఈ చిత్రంలో మాళవిక శర్మ, నివేదా పేతురాజ్‌, అమృత అయ్యర్‌ నాయికలు. గతంలో విడుదలైన టీజర్ కోటికిపైగా వీక్షణలు సొంతం చేసుకుంది.
