షారుఖ్‌ - అట్లీల చిత్రానికి రెహమాన్‌ సంగీతం అందిస్తున్నారా?

చిన్న వయసులోనే ఘన విజయాలను సొంతం చేసుకున్న దర్శకుడు అట్లీ. షారుఖ్‌ ఖాన్‌తో కలిసి బాలీవుడ్‌లో ఓ సినిమా చేయనున్నారు. ఈ చిత్రానికి సంబంధించిన స్క్రిప్టుతో పాటు, కథా రచయితలు షారుఖ్‌ ప్రొడక్షన్‌ హౌస్‌ మధ్య చర్చలు జరుగుతున్నాయని సమాచారం. త్వరలోనే అధికారికంగా బయటకు రానున్నాయి. షారుఖ్‌ - అట్లీ చిత్రానికి తాత్కాలికంగా శంకి పేరుతో చిత్రం చలామణి అవుతోంది. ఇందులో షారుఖ్‌ రెండు పాత్రల్లో కనిపించనున్నారట. అందులో ఒకటి పోలీస్ అధికారిగా, మరొకటి క్రిమినల్‌ పాత్ర. రెండు పాత్రల చుట్టూ కథ తిరగనుంది. అయితే ఈ చిత్రానికి సంగీత దర్శకుడిగా ఏ.ఆర్‌.రెహమాన్‌ సంగీత స్వరాలు సమకూరిస్తే బాగుంటుందని అట్లీ భావిస్తున్నాడట. ఆ మధ్య రెహమాన్‌ బాలీవుడ్‌లోని ఓ ప్రత్యేక బృందం తనకు సరైన అవకాశాలు రాకుండా అడ్డుపడుతుందని వ్యాఖ్యానించిన సంగతి తెలిసిందే. షారుక్‌ జీరో చిత్రం తరువాత ఇప్పటీ వరకు మరో చిత్రంలో నటించలేదు.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.