జనతా కర్ఫ్యూపై బాబా సెహగల్‌ పాట

ప్రముఖ గాయకుడు, సంగీత దర్శకుడు బాబాసెహగల్‌ తాజాగా జనతా కర్ఫ్యూపై ఓ ప్రత్యేకమైన పాటను అలపించారు. కరోనా వైరస్‌ (కొవిడ్‌-19) నివారణ చర్యల్లో భాగంగా ఇప్పటికే ఐటీ కంపెనీలతోపాటు పలు ఉద్యోగ సంస్థలు తమ ఉద్యోగులకు 'వర్క్‌ ఫ్రమ్‌ హోమ్‌' అవకాశం కల్పించిన విషయం తెలిసిందే. ఈ నేపథ్యంలో బాబా సెహగల్‌.. వర్క్‌ ఫ్రమ్‌ హోమ్‌ ఇచ్చినప్పుడు బయటకు వెళ్లాల్సిన అవసరం ఏముంది. మంచి ఆహారం తీసుకుని.. సరదాగా ఇంట్లో ఉండండి అని చెబుతూనే.. 'కరోనా.. గో.. గో.. గోనా' అని పేర్కొంటూ ఓ ప్రత్యేకమైన పాటను అలపించారు. ఈ పాటకు సంబంధించిన వీడియోను ఆయన ట్విటర్‌ వేదికగా అభిమానులతో పంచుకున్నారు. దీంతో ప్రస్తుతం ఈ పాట నెట్టింట్లో వైరల్‌గా మారింది.


దేశంలో కరోనా రోజురోజూకీ విపరీతంగా విస్తరిస్తున్న తరుణంలో ప్రజలకు 'కొవిడ్‌-19'పై అవగాహన కల్పించే విధంగా ఇటీవల బాబా సెహగల్‌ 'నమస్తే' అంటూ సాగే ఓ పాటను అలపించిన విషయం తెలిసిందే. 'కరోనా చాలా సున్నితమైన అంశం కాబట్టి దానిపై ఎలాంటి పాటను చేయకూడదనుకున్నాను. కాకపోతే ప్రిన్స్‌ ఛార్లెస్‌ నమస్తే పెట్టడం చూశాక.. 'నమస్తే' పాటను రూపొందించాను' అని ఆయన అప్పట్లో పేర్కొన్నారు.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.