మరో మైలురాయి చేరకున్న బుట్టబొమ్మ పాట

స్టైలీస్‌ స్టార్‌ అల్లు అర్జున్​ త్రివిక్రమ్‌ దర్శకత్వంలో నటించిన చిత్రం 'అల వైకుంఠపురములో'. ఈ సినిమా సంక్రాంతి పండగక్కు వచ్చి బ్లాక్​బాస్టర్​ హిట్​ అందుకుంది. పూజాహెగ్డే కథానాయికగా నటించింది. ముఖ్యంగా ఈ చిత్రం విజయంలో తమన్​ సంగీతం కీలక పాత్ర పోషించింది అని చెప్పడంలో అతియోశక్తి కాదు. యూట్యూబ్​లో ఈ మూవీ సాంగ్స్​ వందల మిలియన్ల వీక్షణలను దక్కించుకొని సత్తా చాటాయి. అయితే ప్రధానంగా 'బుట్టబొమ్మ' అనే పాట విశేష ప్రేక్షకాదరణ పొందింది. అందుకు రుజుగా తాజాగా ఈ పాట మరో అరుదైన మైలురాయిని చేరకుంది. ఇప్పటివరకు ఈ పాటని ఏకంగా 4 కోట్ల వీక్షణలను సాధించి రికార్డు నెలకొల్పింది. రామజోగయ్య కలం నుంచి జాలువారిన ఈ పాటని అర్మాన్‌ మాలిక్‌ ఆలపించగా తమన్ అందించిన సంగీత స్వరాలు పాటకే సరికొత్త అందాలు తెచ్చాయి. హారిక అండ్‌ హాసిని క్రియేషన్స్, గీతా ఆర్ట్స్ సంయుక్తంగా నిర్మించిన ఈ చిత్రంలో టబు, నివేదా పేతురాజ్‌, రాజేంద్ర ప్రసాద్‌, సుశాంత్‌, వెన్నెల కిశోర్‌, సునీల్‌, నవదీప్‌ తదితరులు నటించారు. చిత్రానికి ఎస్‌.రాధాకృష్ణ, అల్లు అరవింద్‌ నిర్మాతలు.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.