ఆలోచించండి అన్నలారా..

కరోనా కష్టకాలంలో ప్రజల్ని రక్షించేందుకు నిరంతరం శ్రమిస్తున్నారు పోలీసులు. వీళ్ల విధి నిర్వహణకు కొంతమంది సహకరిస్తుంటే మరికొందరు ఎదురుతిరుగుతున్నారు. ఈ నేపథ్యంలో పోలీసుల ఔన్నత్యాన్ని పాట రూపంలో తెలియజేసే ప్రయత్నం చేశారు సినీ గేయ రచయిత చంద్రబోస్‌. ఇటీవలే పోలీసులపై పలుచోట్ల జరిగిన దాడులు ఉదహరిస్తూ రాసిన ఈ గీతం ప్రతి ఒక్కరిని ఆలోచింజేస్తుంది. ‘‘లాక్‌డౌన్‌ సమయంలో పోలీసుల విధి నిర్వహణ చాలా గొప్పగా ఉంది. పోలీసులకు కొందరు సహకరిస్తున్నారు, కొందరు అడ్డుతగులుతున్నారు. ఈ అంశంపై పాట రాయమని సైబరాబాద్‌ పోలీసు కమిషనర్‌ సజ్జనార్‌ గారు నన్ను అడిగారు. బాధ్యతతో రాశాన’ని తెలిపారు చంద్రబోస్‌.