Toggle navigation
కొత్త కబుర్లు
త్వరలో విడుదల
క్లిక్.. క్లిక్.. క్లిక్..
చూసేద్దాం.. వీడియో
సినిమా ఎలా ఉంది?
ముఖాముఖీ
ఇది విన్నారా?
తారాతోరణం
మరిన్ని
హాలీవుడ్ హంగామా
బాలీవుడ్ బాతాఖానీ
పాటల పల్లకి
సితార స్పెషల్
ఆణిముత్యాలు
అభిమానుల పేజీ
సినీ మార్గదర్శకులు
సినీ పజిల్స్
ఈరోజే
మీకు తెలుసా
హోమ్
Search
Search
Search
‘వైల్డ్‌డాగ్‌’.. పని పూర్తి చేశారు
నాగార్జున కీలక పాత్రలో అహిషోర్‌ సాల్మన్ దర్శకత్వంలో తెరకెక్కుతున్న యాక్షన్‌ థ్రిల్లర్‌ ‘వైల్డ్‌డాగ్‌’. ఉత్కంఠభరిత కథా కథనాలతో రూపొందుతున్న ఈ చిత్ర షూటింగ్‌ తాజాగా హిమాలయాల్లోని రోహ్‌తంగ్‌లో జరిగింది. ‘వైల్డ్‌డాగ్‌’లో తాను నటించే సన్నివేశాల చిత్రీకరణ పూర్తయిందని నాగార్జున తెలిపారు. ‘వైల్డ్‌డాగ్‌’లో నా పని పూర్తవడంతో ఇంటికి వెళుతున్నా. ప్రతిభగల నా టీం, హిమాలయాలకు వీడ్కోలు చెప్పడం బాధగా ఉంది'' అని ట్వీట్ చేశారు.
తొలినాళ్లలో బాధేసింది.. ‘జల్సా’ మార్పు తెచ్చింది
పరిచయం లేని రంగంలో అడుగుపెడితే ఎవరికైనా కొంతకాలం కష్టమనిపిస్తుంది. ఆ పరిశ్రమ, పని అలవాటు అయ్యేంత వరకు ఇబ్బందిగానే ఉంటుంది. వీటితోపాటు పక్కవాళ్ల నుంచి విమర్శ ఎదురైతే? అసహనం దరి చేరుతుంది. గోవా బ్యూటీ ఇలియానాకి ఇదే అనుభవం ఎదురైంది. మోడలింగ్‌ రంగం నుంచి చిత్ర సీమకు వచ్చిందీ భామ. ఈ ముద్దుగుమ్మ నటించిన ఓ ప్రకటన చూసి ‘దేవదాసు’ అవకాశం ఇచ్చారు వై.వి.ఎస్‌.చౌదరి. చిత్రీకరణ అంతా భారంగానే నెట్టుకొచ్చింది. ఏదో విధంగా సినిమా పూర్తి చేసింది. తొలి చిత్రంలోనే అందాలు ఆరబోయడంతో కుర్రకారు మదిని దోచుకుంది. బాక్సాఫీసు వద్ద ఈ చిత్రం మంచి విజయం అందుకోవడంతో ‘పోకిరి’ సినిమాలో నటించే సదవకాశం కొట్టేసింది. ఆ తర్వాత వచ్చిన సినిమాల్లో ఒకదాని కోసం నిర్విరామంగా 20 గంటలు పనిచేసిందట ఇలియానా. ‘ఈ సమయంలో ఓ సహాయ దర్శకుడు నా నటనని విమర్శించారు. అప్పుడు చాలా బాధేసింది. అమ్మకి చెప్పి ఏడ్చాను.
‘నారప్ప’ మొదలెట్టాడు
తమిళనాడులో కొందరు అణగారిన వ్యక్తుల జీవితాల్లో జరిగిన సంఘటనల ఆధారంగా తెరకెక్కి, భారీ విజయం సొంతం చేసుకున్న చిత్రం ‘అసురన్‌’.ధనుష్‌ హీరోగా వచ్చింది. దీని తెలుగు రీమేక్‌ ‘నారప్ప’లో వెంకటేష్‌ నటిస్తున్న సంగతి తెలిసిందే. శ్రీకాంత్‌ అడ్డాల తెరకెక్కిస్తున్నారు. లాక్‌డౌన్‌కి ముందు 70 శాతం చిత్రీకరణ పూర్తి చేసుకున్న ఈ చిత్రం సుధీర్ఘ విరామం అనంతరం నేడు (నవంబరు 5) పునఃప్రారంభమైంది. కోవిడ్‌ నుంచి రక్షణగా తగిన జాగ్రత్తలు తీసుకుని హైదరాబాద్‌లో షూటింగ్‌ మొదలుపెట్టింది చిత్రబృందం. ప్రస్తుత షెడ్యూల్‌ ముగిస్తే 80శాతం చిత్రీకరణ పూర్తవుతుందని చిత్ర వర్గాలు తెలిపాయి.
‘శ్రీకారం’లో అదిరిపోయే జానపదం
వెండి తెరపై జానపదానికి ఉన్న క్రేజ్‌ అంతా ఇంతా కాదు. సందర్భం కుదరాలే కానీ ఫోక్‌ సాంగ్‌ని ఎవరు మాత్రం వద్దంటారు. అటు మాస్‌ ప్రేక్షకుల్ని, ఇటు క్లాస్‌ వర్గాన్ని ఆకట్టుకునే గీతాల్లో ఇదొకటి. ఇప్పటికే తెలుగు చిత్రాల్లో వచ్చిన ఎన్నో జానపదాలు ఓ ఊపు ఊపాయి. తాజాగా ఈ జాబితాలో నిలిచేందుకు రాబోతుంది ‘భలేగుంది బాలా’. ప్రముఖ గాయకుడు పెంచల్‌ దాస్‌ స్వీయ రచనలో రూపొందిన ఈ గీతం ‘శ్రీకారం’ చిత్రంలోనిది. సాహిత్యానికి తగ్గట్టు మిక్కీ జె.మేయర్‌ స్వరాలు సమకూర్చారు. ప్రోమోని తాజాగా విడుదల చేశారు. పూర్తి పాట నవంబరు 9న సాయంత్రం 5:40నిలకు సంగీత ప్రపంచలోకి రాబోతుంది. శర్వానంద్‌, ప్రియాంక అరుళ్‌ మోహన్‌ జంటగా వస్తోంది. కిశోర్‌ రెడ్డి దర్శకుడు. రైతుగా కనిపించనున్నాడు శర్వా.
‘రంగ్‌ దే’ తొలి రాగం
నితిన్‌, కీర్తి సురేష్‌ జంటగా వస్తోన్న చిత్రం ‘రంగ్‌ దే’. ఈ ప్రేమ కథకి వెంకీ అట్లూరి దర్శకత్వం వహిస్తున్నారు. తాజాగా ఈ చిత్రంలోని తొలి గీతానికి సంబంధించి ప్రోమోని విడుదల చేసింది చిత్ర బృందం. అన్ని వర్గాల వారిని అలరించేలా ఉందీ గీతం. ‘ఏమిటో ఇది’ అంటూ సాగే ఈ గీతాన్ని శ్రీమణి రచించారు. కపిల్‌ కపిలన్‌, హరిప్రియ ఆలపించారు. దేవీ శ్రీ ప్రసాద్‌ స్వర కల్పనలో రూపొందిన ఈ పాట లిరికల్‌ వీడియో నవంబరు 7న సాయంత్రం 4:05నిలకు విడుదల చేస్తున్నట్లు చిత్ర వర్గాలు తెలిపాయి.
చుక్కల చున్నీకే నా గుండెని కట్టావే
భాస్కరభట్ల కలం నుంచి మరో ప్రేమగీతం జాలువారింది. ‘ఎస్‌.ఆర్‌. కల్యాణ మండపం’ చిత్రం కోసం ఆయన రాసిన ‘చుక్కల చున్నీకే నా గుండెని కట్టావే’ పాటని గురువారం విడుదల చేసింది చిత్ర బృందం. కిరణ్‌ అబ్బవరం, ప్రియాంక జువాల్కర్‌ జంటగా తెరకెక్కుతోన్న చిత్రమిది. శ్రీధర్‌ గాదె దర్శకత్వం వహిస్తున్నారు. నాయకానాయికల హావభావాలు అన్ని వర్గాల వారిని ఆకట్టుకునేలా ఉన్నాయి. చక్కటి ఈ సాహిత్యానికి చైతన్య భరద్వాజ్‌ స్వరాలు సమకూర్చారు. శ్రావ్యమైన గానంతో ఆలపించి శ్రోతలు మళ్లీ మళ్లీ వినేలా చేస్తున్నారు గాయకుడు అనురాగ్‌ కులకర్ణి. ఎలైట్‌ ఎంటర్‌టైన్‌మెంట్స్‌ పతాకంపై ప్రమోద్‌, రాజు నిర్మిస్తున్నారు. అన్ని కార్యక్రమాలు పూర్తి చేసుకుని త్వరలోనే ప్రేక్షకుల ముందుకు రాబోతుందీ చిత్రం.
అతిథి పాత్రలో..
యువ నాయిక మేఘా ఆకాష్‌ ‘గుర్తుందా శీతాకాలం’ చిత్రంలోని ప్రత్యేక పాత్రకు ఎంపికైంది. ఈ సినిమాలో తాను అతిథిగా కనిపించబోతుందని వెల్లడించింది చిత్ర బృందం. సత్య దేవ్‌, తమన్నా జంటగా తెరకెక్కుతోన్న చిత్రమిది. నాగశేఖర్‌ దర్శకత్వంలో రూపొందుతుంది. మలయాళంలో విజయవంతమైన ‘లవ్‌ మాక్‌టైల్‌’కి రీమేక్‌గా రాబోతుంది. మాతృకలో ఇద్దరు నాయికలు దర్శనమిస్తారు. అన్ని వర్గాల వారిని ఆకట్టుకునే ఈ ప్రేమకథ రీమేక్‌లోనూ ఇద్దరికి అవకాశం ఉండటంతో మేఘా అవకాశం దక్కించుకుంది. నాగశేఖర్‌ మూవీస్‌ పతాకంపై భావన రవి నిర్మిస్తున్న ఈ చిత్రానికి కాలభైరవ సంగీతం అందిస్తున్నారు. త్వరలోనే చిత్రీకరణ ప్రారంభంకానుంది.
మెట్రో రైల్లో పవన్ ప్రయాణం..
జనసేన అధ్యక్షుడు, ప్రముఖ కథానాయకుడు పవన్ కళ్యాణ్ గురువారం ఉదయం హైదరాబాద్ మెట్రో రైలులో ప్రయాణం చేశారు. మాదాపూర్ మెట్రో స్టేషన్ నుంచి మియాపూర్ వరకు ప్రయాణించారు. ఆయన కథానాయకుడిగా తెరకెక్కుతున్న చిత్రం ‘వకీల్‌సాబ్‌’ చిత్రీకరణ కోసం మియాపూర్ వెళ్లినట్లు తెలుస్తోంది. సాధారణ ప్రయాణికుడిలా మెట్రో రైలెక్కి పవన్ అభిమానులను ఆశ్చర్య పరిచారు. అమీర్‌పేట స్టేషన్లో ట్రైన్ మారారు. ఈ సందర్భంగా తోటి ప్రయాణికులతో సంభాషించారు. ద్రాక్షారామానికి చెందిన రైతు సత్యనారాయణతో పవన్ మాట్లాడుతూ.. పంటలు, ప్రస్తుత పరిస్థితుల గురించి అడిగి తెలుసుకున్నారు. ఇటీవల వర్షాలకు వ్యవసాయం బాగా దెబ్బతిందని ఆ రైతు వాపోయారు. మిమ్మల్ని కలవడం చాలా సంతోషంగా ఉందంటూ రైతు ఆనందం వ్యక్తం చేశారు. మెట్రో ప్రయాణం తనకు ఇదే మొదటిసారి అని రైతు చెప్పగానే పవన్ నవ్వుతూ మీకే కాదు.. నాకు కూడా ఇదే మొదటి సారి అని అన్నారు. పవన్ వెంట చిత్ర నిర్మాత దిల్ రాజు తదితరులు ఉన్నారు.
‘ఉప్పెన’ సర్‌ప్రైజ్‌ ఇవ్వబోతున్న మహేష్‌
‘ఉప్పెన’ చిత్రానికి సంబంధించి ఓ సర్‌ప్రైజ్‌ ఇవ్వబోతున్నారు ప్రముఖ హీరో మహేష్‌ బాబు. వైష్ణవ్‌ తేజ్‌, కృతి శెట్టి జంటగా బుచ్చిబాబు తెరకెక్కించిన ప్రేమ కథే ‘ఉప్పెన’. మైత్రీ మూవీ మేకర్స్‌ నిర్మిస్తోంది. దేవీ శ్రీ ప్రసాద్‌ స్వరాలు సమకూర్చారు. ఇందులోని ‘నీ కన్ను నీలి సముద్రం’, ‘ధక్‌ ధక్‌ ధక్‌’ పాటలు విడుదలై విశేష ఆదరణ పొందాయి. మరో పాటను సంగీత ప్రపంచంలోకి తీసుకురాబోతున్నారు మహేష్‌. శ్రీమణి రచించిన ‘రంగులద్దుకున్న’ గీతాన్ని నవంబరు 11న సాయంత్రం 4:05నిలకు మహేష్‌ విడుదల చేయనున్నారు. మంచి ప్రేమ రాగమని తెలుస్తోంది. మరి ఈ సాంగ్‌ ఎలా అలరిస్తుందో తెలియాలంటే మరికొన్ని రోజులు ఆగాల్సిందే. ప్రముఖ దర్శకుడు సుకుమార్‌ రచన సహకారం అందించిన ఈ చిత్రం వేసవిలోనే విడుదల కావాల్సి ఉన్నా లాక్‌డౌన్‌ కారణంగా వాయిదా పడింది. ఎప్పుడు విడుదల చేస్తారో ఇంకా స్పష్టత ఇవ్వలేదు చిత్రబృందం.
మరోసారి ‘రాజా ది గ్రేట్‌’ అనిపిస్తాడా?
రవితేజ నటించిన వైవిధ్య కథల్లో ‘రాజా ది గ్రేట్‌’ ఒకటి. కళ్లు కనపించని వ్యక్తి పాత్రలో ఒదిగిపోయి అదరగొట్టాడు. అనిల్‌ రావిపూడి దర్శకత్వంలో తెరకెక్కిందీ చిత్రం. మరోసారి రాజా సందడి మొదలవుతుందని టాలీవుడ్‌ టాక్‌. లాక్‌డౌన్‌ సమయంలో అనిల్‌ రావిపూడి పలు స్ర్కిప్టులు సిద్ధం చేసుకున్నారు. వీటిలో ‘ఎఫ్‌ 3’ ముందుగా రూపొందబోతుంది. గతంలో వెంకటేష్‌, వరుణ్‌ తేజ్‌ కథానాయకులుగా ఆయన తీసిన ‘ఎఫ్‌ 2’కి సీక్వెల్‌. వచ్చే ఏడాది ప్రారంభంలో చిత్రీకరణ మొదలుకానుంది. ఇదిలా ఉంటే.. ఓ నాయికా ప్రాధాన్య చిత్రాన్ని తెరకెక్కించేందుకు ప్రణాళికలు రచిస్తున్నారట అనిల్‌. ఇప్పటికే ఆ కథను సాయి పల్లవికి వినిపించారని, ఎందుకో తెలియదు కానీ ఆమె సున్నితంగా తిరస్కరించారని ప్రచారం సాగుతోంది. దాంతో మరో ఎంటర్‌టైనింగ్‌ స్టోరీని రవితేజ దగ్గరకు తీసుకెళ్లారట. గతంలో ఈ ఇద్దరి కాంబినేషన్‌లో వచ్చిన ‘రాజా ది గ్రేట్‌’ చిత్రానికి కొనసాగింపు అని తెలుస్తోంది. ఫుల్‌ జోష్‌ ఉన్న పాత్ర కావడంతో రవితేజ ఆసక్తి చూపుతున్నారని సమాచారం. మరి ‘ఎఫ్‌ 3’ తర్వాత ఏ చిత్రాన్ని పట్టాలెక్కిస్తారో తెలియాలంటే కొన్ని రోజులు ఆగాల్సిందే. ప్రస్తుతం రవితేజ ‘క్రాక్‌’లో నటిస్తున్నారు
First
Previous
21
22
23
24
25
26
27
28
29
30
Next
Last
