వచ్చేనెల్లో తెరపైకి రానున్న శుభ్‌ మంగల్‌

ఈ ఏడాది ఆరంభంలోనే బాలీవుడ్‌ నటుడు ఆయుష్మాన్‌ ఖుర్రానా కొత్త చిత్రం ‘శుభ్‌ మంగల్‌ జ్యదా సావ్థన్‌’తో తెరపైకి రానున్నాడు. గత ఏడాది మూడు చిత్రాల్లో సందడి చేసిన ఆయుష్‌ ఈ సారి ఏడాది మొదట్లోనే ప్రేక్షకులను అలరించనున్నాడు. హితేష్‌ కేవల్య దర్శకత్వంలో తెరకెక్కుతున్న ఈ చిత్రంలో ఆయుష్‌ సృలింగ సంపర్కుడిగా నటిస్తున్నాడు. ఇప్పటి వరకు భారతదేశంలో ఇలాంటి విషయంలో మాట్లాడానికే ఇబ్బంది పడే సమయంలో, ఏకంగా ఆ పాత్రలోనే నటించడం అంటే చాలా ధైర్యం కావాలని సినీ జనాలు అనుకుంటున్నారు. ఈ చిత్రంలో జితేంద్ర అనే మరో నటుడు ఆయష్‌కి జోడిగా నటిస్తున్నారు. రొమాంటిక్‌ కామెడీ, హోమో సెక్స్ నేపథ్యంలో తెరకెక్కుతున్న ఈ చిత్రాన్ని టీ-సీరీస్‌, ఎల్లో ప్రొడక్షన్‌ సంస్థలు సంయుక్తంగా నిర్మిస్తున్నాయి. భూమి ఫెడ్నేకర్‌, గజరాజా రావ్‌, నీనా గుప్తలు నటిస్తున్న చిత్రం ఫిబ్రవరి 21, 2020న విడుదల కానుంది.



Copyright 2020 USHODAYA ENTERPRISES PVT LTD, ALL RIGHTS RESERVED.
Powered by WinRace Technologies.